ఆరాటమా అతిగా తడబడకు
ఆలోచన సుడిలో పడకు
ఏ దోవలోపడని ముందడుగు
ఏ తోవలో తెలుసా నాకు
ఈ మనువనే మలుపులో ఇపుడిలా
ఎన్నెన్నో ప్రశ్నలు రేపుతూ ఆగకు
ఆరాటమా అతిగా తడబడకు ఆలోచన సుడిలో పడకు
దడదడమని ఉరమద మరి తొలకరి మేఘం
అది చినుకుల నడకల గతి తెలిపిన రాగం
ఆ ఆలికిడే వినగా ఆనందమే గనక
కలవరమే కలగదుగా తడిసే ఇలకు
గుసగుసమని పలకదు కదా మంగళ వాద్యం
పరిణయమున పందిరికి సందడి సహజం
కోలాహలమే గాని గోలనరుగదాన్ని
కల్లోలం అంటారా కళ్యాణాన్ని
ఈ చిలిపి వేడుకలను
అనవసరపు గొడవనుకొని
ఆరాటమా అతిగా తడబడకు
ఆలోచన సుడిలో పడకు
కడవరకి ముడి విడువక బిగిసిన సూత్రం
ఇరు మనసులకొక మనుగడ అని పరమార్థం
ఏడడుగులు వేస్తూ నీ వెనుకతానొస్తే
వెంటాడే వేటేమో అని భయపడకు
చిన్న చిన్న చిన్న తగవులకిది మొదలని సత్యం
శృతి ముదరని జత చెదరని చెలిమికి సాక్ష్యం
పేచీ పడే పంతం
రాజీ పడే బంధం
వియ్యంలో కయ్యాలే తీయని సమరం
ఆ సంగతే వినమని ఆ............
ఆరాటమా అతిగా తడబడకు
ఆలోచన సుడిలో పడకు
